ஹலால் அங்கீகார (உத்தரவாதமளிக்கப்பட்ட) நிறுவனத்தினூடாக (Halal accreditation (Guarantee) Ltd - HAC) இலங்கையில் ஹலால் சான்றிதழ் வழங்கும் நடவடிக்கைகள் ஆரம்பிக்கப்பட்டுள்ளதாக அறிவிக்கப்பட்டுள்ளது.
மேற்படி நிறுவனம் இலங்கை கம்பனிச் சட்டத்தின் கீழ் பதிவு செய்யப்பட்டுள்ளதோடு 27 நாடுகளில் இதனை அங்கீகரித்துள்ளதாக ஹலால் அங்கீகார நிறுவனம் தெரிவித்துள்ளது.
நாட்டு நிலைமையையும் சமூக அபிவிருத்தியையும் கருத்திற்கொண்டு ஹலால் சான்றிதழ் வழங்கும் பொறுப்பை ஜனவரி முதலாம் திகதி முதல் அமுலாகும் வகையில் உலமா சபை புதிதாக உருவாக்கப்பட்ட லாப நோக்கமற்ற தனியார் நிறுவனமொன்றிடம் கையளித்தது.
உலகில் வர்த்தகம் மேற்கொள்ள ஹலால் சான்றிதழ் இன்றியமையாததாக இருப்பதாகவும் இலங்கை உற்பத்திகள் சர்வதேச தரம் வாய்ந்தது என அடையாளம் காண இச்சான்றிதழ் அவசியமானது எனவும் இந்த நிறுவனம் தெரிவித்தது.
அது மேலும் குறிப்பிட்டுள்ளதாவது : இது தொடர்பில் ஹலால் அங்கீகார உத்தரவாதமளிக்கப்பட்ட நிறுவனம் விடுத்துள்ள அறிக்கையில் :-
ஜனவரி மாதம் முதலாம் திகதி முதல் அமுலுக்கு வரும் வகையில் இலங்கையின் நிறுவனங்களுக்கான ஹலால் சான்றிதழ்களை விநியோகிக்கும் பொறுப்பு ஹலால் சான்றுறுதி பேரவையிடம் உத்தரவாத மளிக்கப்பட்ட நிறுவனத்திடம் கைய ளிக்கப்பட்டுள்ளது. இலங்கை நிறுவ னங்களின் 2007 7 ஆம் பிரிவின் சட்டத்தின் கீழ் இப்பேரவை பதிவு செய்யப்பட்டுள்ளது எனவும் அதில் குறிப்பிடப்பட்டுள்ளது.
இன்றைய உலகில் வர்த்தக நடவ டிக்கைகளை மேற்கொள்ள ஹலால் சான்றிதழ் முக்கியமானதாகும். இலங்கை நிறுவனங்கள் தமது உற்பத்திகளை சர்வதேசத்துக்கு கொண்டு செல்வற்கு இது ஒரு முக்கிய சர்வதேச சான்றாக பின்பற்றப்படுகிறது. SLS மற்றும் ISO சான்றுகளை போன்றே ஹலால் நிறுவன சான்றும் ஒரு சர்வதேச தரச் சான்றாகும். அத்துடன் எமது உள்விவகார நடவடிக்கைகள் மற்றும் ஆய்வுகள் சர்வதேச நிறுவனத்தால் மதிப்பிடப்படுகின்றது என ஹலால் அங்கீகார நிறுவன பிரதம நிறைவேற்று அதிகாரி அலி பதார் அலி குறிப்பிட்டுள்ளார்.
இத்தரச் சான்று உணவு, குடிபானம் மற்றும் பாவனை பொருட்கள் போன்றவற்றின் ஹலால் தரத்தை உறுதிப்படுத்தும், ஒரு விடயமாகும். அத்துடன் இத்தரச் சான்றுடன் சம்பந்தப்பட்ட விஞ்ஞான ரீதியான செயற்பாடுகளில் அனுபவம் வாய்ந்த தேர்ச்சிப்பெற்ற தொழில்நுட்ப குழு ஹலால் அங்கீகார நிறுவனத்தில் இருப்பது குறிப்பிடத்தக்கது. எமது அனைத்து உள்விவகார செயற்பாடுகள் வெளிப்படையானதும் சர்வதேச அங்கீகாரம் பெற்ற நிறுவனங்கள் மூலம் கண்காணிக்கப்படக் கூடியதுமாகும்.
ஹலால் சான்றுறுதி பேரவையானது இலாபமற்ற இலங்கையின் முக்கிய துறைசாந்தவர்களின் மூலம் ஆரம்பிக்கப்பட்டு சர்வதேச தரங்களின் அடிப்படையில் மார்க்க வழிகாட்டலின் கீழ் இயங்கும் ஒரு அமைப்பாகும்.
இத்தரச் சான்றிதழ் விஞ்ஞான மற்றும் வர்த்தக ரீதியான தொடர்புகள் இருந்த போதிலும் இவை சமயம் மற்றும் கலாசாரத்தை அடிப்படையாகக் கொண்டுள்ளன. இது பாவனையாளர்களின் விருப்பத்திற்கு தேவையான ஹலால் உற்பத்திகளையும் சேவைகளையும் பெற்றுக் கொடுக்க வழி வகுக்கும்.
மேலும் இவை மூலம் இலங்கையர்கள் தமது உற்பத்திகளை அதிக பாவனையாளர்கள் கொண்ட சர்வதேச ஹலால் சந்தைக்கு அனுப்ப வழிகிடைக்கின்றது. இதன் மூலம் உலகில் வாழும் 2 பில்லியனுக்கு அதிகமான முஸ்லிம்கள் ஹலால் உற்பத் திகளை கொள்வனவு செய்ய முடியும் என அலி பதார் அலி குறிப்பிட்டார்.
உலக சந்தையில் ஹலால் ஏற்றுமதி சுமார் 2 டிரில்லியன் டொலர் மதிப் பிடப்பட்டுள்ளதாக இது தொடர்பாக ஆய்வுகளை நடத்தும் ஏடீ கேர்ணி நிறுவனம் சுட்டிக்காட்டியுள்ளது உலகின் மிக வேகமாக வளர்ந்து வரும் பாவனையாளர்களின் தேவையாக இது அமைந்துள்ளது 67 வீதம் உணவு 22 வீதம் மருந்துப் பொருட்கள் மற்றும் 10 வீத அழகு சாதனப் பொருட்கள் இதில் அடங்குகின்றன.
நாட்டில் இந்த சான்றிதழுக்கு அதிக தேவை நிலவுகின்றது. உள்ளூர் ரீதியாகவும் சர்வதேச ரீதியாகவும் பொருட்களை சந்தைப்படுத்தும் சுமார் 195 இலங்கை நிறுவனங்கள் இந்தசான்றிதழை கோரியுள்ளன. நாங்கள் அதற்கான ஏற்பாடுகளை தற்போது துரிதகதியில் மேற்கொண்டு வருகின்றோம்.
ஹலால் சான்றிதழ் ஆழமான முறை யில் ஆய்வுக்குட்படுத்தியும் கண்கா ணிக்கப்பட்டுமே வழங்கப்படுகின்றன. தேர்ச்சிபெற்ற உலமாக்கள் தொழில் நுட்பவியலாளர்கள் உணவு பரிசோதகர்கள் மேற்பார்வையாளர்கள் ஆகியோர் இவற்றை கண்காணிக்கின்றனர். இந்த சான்றிதழை பெற வேண்டும் என எவர்மீதும் அழுத்தம் கொடுக்கப் படுவதுமில்லை
ஹலால் அங்கீகார நிறுவனம் நாட்டின் தேவையை கருதியே ஸ்தாபிக்கப்பட்டுள்ளதுடன் எல்லா நிறுவனங்களும், அவசியம் ஹலால் சான்றிதழ் பேண வேண்டும் என்ற எந்த நிபந்தனையும் கிடையாது. நாங்கள் இலாபத்தை அடிப்படையாகக் கொண்டு செயற்படும் நிறுவனம் அல்ல என்பதனால் எமது சேவைகள் இலவசமானது என்றும் கூற முடியாது ஹலால் சான்றிதழ் படுத்தலினூடாக சிறந்த சேவைகளை வழங்க பல துறைசார்ந்தவர்கள் உட்பட பெரும் எண்ணிக்கையில் பணியாளர்களை ஈடுபடுத்தியுள்ளோம் என்றும் அதில் குறிப்பிடப்பட்டுள்ளது.
